अपडेट

डोल्पा: जिल्ला प्रहरी कार्यालय डोल्पामा हाजिर भएको नौ दिनमै प्रहरी नायब उपरीक्षक (डीएसपी) डा.हेमबहादुर केसी प्रहरी प्रधान कार्यालय नक्साल तानिएका छन् । जिल्ला प्रहरी कार्यालय डोल्पामा विगत लामो समय देखि मुद्धा फाँटमा रही काम गरिरहेका प्रहरी नायव निरीक्षक (सई) शैलेन्द्र कुमार रसाइली माथि हातपात गरेको कसुरमा उनलाई हेडक्वार्टर तानिएको हो ।

वैशाख १५ गते जिल्ला प्रहरी कार्यालय डोल्पामा हाजिर भएका केसी यस अघि नक्सालमै कार्यरत थिए।हाजिर भएको आठ दिनमै मुद्दा फाटमा पााच वर्षदेखि कार्यरत सई लाई कुटपिट गरेका थिए। हेडक्वार्टरको आदेशपछि डीएसपी केसी सार्वजनिक बस चढी काठमाडौं लागेका थिए ।

कर्णाली प्रदेश प्रहरी कार्यालयबाट डीएसपी नारायण डाागीको टोली बिहीबार बिहानै प्रहरीकै गाडीमा डोल्पा पुगेर घटनाको विषयमा छानबिन सुरु गरेको छ । यस विषयमा सई शैलेन्द्रकुमार रसाइलीसँग बुझ्न खोज्दा कुनै प्रतिक्रिया दिन मानेनन् ।

जिल्ला प्रहरी कार्यालयमा कार्यरत प्रहरी निरीक्षक मनीष थापाले डीएसपी केसी व्यक्तिगत कामले काठमाडौं गएको प्रतिक्रिया दिए ।कर्णाली प्रदेश प्रहरी कार्यालयका एसएसपी शिवकुमार श्रेष्ठसँग बुझ्दा घटनाका बारेमा जानकारी प्राप्त भएको र वास्तविकता के हो भन्ने कुरा बुझ्ने काम भइरहेको बताए

यहाँ प्रकाशित कुनै समाचारमा तपाईंको गुनासो भए हामीलाई ejanachaso@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुक र ट्विटरमा पनि जोडिन सक्नुहुन्छ ।